Sendu skeyti um brottflutning frá Írak fyrir mistök
Setja bókamerki
Skeyti sem yfirmenn í bandaríska hernum sendu samstarfsmönnum sínum í íraska hernum um að Bandaríkjaher ætlaði sér að yfirgefa Írak á næstu dögum og vikum var „ósvikið“ en var sent fyrir mistök. Þetta segir Mark Milley, hershöfðingi í bandaríska hernum.
Greint var frá því fyrr í kvöld að skeytið hefði verið sent og að Bandaríkjaher ætlaði að hefja undirbúning brottflutnings frá Írak á næstu dögum. Tilvist og efni skeytisins var staðfest af fulltrúum varnamálaráðuneyta Bandaríkjanna og Írak en nú hafa Bandaríkjamenn leiðrétt þann misskilning.
„Þetta voru mistök McKenzie. Það átti ekki að senda skeytið,“ sagði Milley við fjölmiðla í Bandaríkjunum er hann var spurður um málið og vísaði þar til hershöfðingjans Frank McKenzie.
Varnarmálaráðherra Bandaríkjanna, Mark Esper, neitaði því einnig að til stæði að draga herlið Bandaríkjanna frá Írak.
„Það hefur engin ákvörðun verið tekin um að yfirgefa Írak. Punktur,“ sagði Esper og bætti því við að skeytið lýsti ekki vilja Bandaríkjastjórnar.
Æskuvinur Íslendings myrtur í Noregi
Skiptir miklu meira máli en fólk grunar
Banna mengandi búnað sem leyfður er á Íslandi
Shakespeare fannst í skókassa
Árshátíð ríkislögreglustjóra haldin í Tékklandi
Kostnaður meiri en milljón á fermetra
Sex hafa greinst með listeríu