Örtröð myndaðist á flugvöllum í Bandaríkjunum í gærkvöldi og nótt eftir að nýjar reglur um eftirlit og skimanir tóku gildi en nú eru allir farþegar sem koma frá Evrópu skoðaðir sérstaklega við lendingu. Gríðarlangar raðir mynduðust á nokkrum alþjóðaflugvöllum vegna þessa.
Ferðabann bandarískra yfirvalda frá Evrópu til Bandaríkjanna tók gildi fyrir rúmum sólarhring en nokkrir alþjóðaflugvellir verða áfram opnir fyrir Evrópuflug þar sem bannið nær ekki til bandarískra ríkisborgara. Margir þeirra brugðust þó við banninu og flýttu heimför.
Right now at O’Hare airport in Chicago:
— Terrence Daniels (Captain Planet) (@Terrence_STR) March 15, 2020
Thousands of people are waiting for hours due to “enhanced #CoronaVirus screening" procedures...
This is not good, Trump has literally created a perfect storm to transmit #COVID19. Don’t even know where to start with this one.#Chicago pic.twitter.com/fOUQZfqxX7
Mike Pence, varaforseti Bandaríkjanna, tilkynnti í gær að bannið yrði útvíkkað á þriðjudag og mun þá einnig ná til Bretlands og Írlands, auk 26 annarra Evrópuríkja sem eiga aðild að Schengen-samstarfinu.
Ríkisstjórinn í Illinois, JB Pritzker, segir raðirnar sem mynduðust á O'Hare-flugvellinum í Chicago óviðunandi. Hann ávarpar Donald Trump Bandaríkjaforseta á Twitter þar sem „það er eina leiðin til að ná athygli hans“. Þá hafa farþegar verið iðnir við að birta myndir og myndskeið af ástandinu á samfélagsmiðlum.
The crowds & lines O’Hare are unacceptable & need to be addressed immediately.@realDonaldTrump @VP since this is the only communication medium you pay attention to—you need to do something NOW.
— Governor JB Pritzker (@GovPritzker) March 15, 2020
These crowds are waiting to get through customs which is under federal jurisdiction
Farþegar eru meðal annars spurðir út í heilsufar og skimað fyrir flensueinkennum hjá þeim.
Chad Wolf, starfandi varnarmálaráðherra, segir að ráðuneytið sé í sambandi við flugfélög með það að markmiði að gera eftirlitið skilvirkara.
Faraldsfræðingar og sérfræðingar innan heilbrigðiskerfisins hafa bent á að mannþröng í flugstöðum geti leitt til þess að fleiri smitist af kórónuveirunni.
Alls hafa yfir 2.700 tilfelli greinst í Bandaríkjunum og 54 látið lífið af völdum kórónuveirunnar.