475 létust á einum sólahring
Setja bókamerki
Síðastliðinn sólarhring hafa 475 látist vegna kórónuveirunnar á Ítalíu en það er hæsta tala látinna á einum sólarhring þar í landi frá því fyrsta smitið greindist. Á sunnudaginn létust 368 á einum sólarhring. AFP-fréttastofan greinir frá.
Alls hafa nú 2.978 látist vegna veirunnar á Ítalíu en það er meira en helmingur allra dauðsfalla utan Kína. Fjöldi tilfella er kominn í 35.713.
Íslensk kona, Rut Valgarðsdóttir, sem búsett er í Bergamo á Ítalíu, segir þó opinberar tölur ekki segja alla söguna. Heilbrigðiskerfið sé orðið svo mettað að sýni séu aðeins tekin úr þeim sem eru alvarlega veikir, en þeir þurfi jafnvel að berjast fyrir því að fá læknishjálp.
„Sumir deyja heima án þess að vera nokkurn tímann testaðir því þeir ná ekki í gegnum filterana sem eru settir til að forgangsraða hjálpinni og aðrir kjósa að fara ekki á sjúkrahús því fólk sér það sem „one way ticket“ og deyr því í súrefnisnauð heima hjá sér,“ skrifaði Rut í færslu á Facebook.
„Kistur hrannast upp og aðstandendur standa hjá lamaðir af sorg samblandaðri við hræðsluna að smitast. Einu hljóðin sem við heyrum hér í einangruninni heima hjá okkur eru stöðugt væl í sírenum sjúkrabílanna, dag og nótt, og við reynum að hugsa ekki um fólkið og söguna á bak við hvern sjúkrabíl sem brunar hjá,“ skrifaði hún jafnframt.
Í heiminum öllum hafa verið staðfest 207.518 tilfelli af veirunni, samkvæmt John Hopkins, og 8.248 hafa látist. Þá hafa 82.104 einstaklingar jafnað sig eftir veikindin.
Færa slökkviliðið til nútímans
Spursmál: Fyrsta stóra viðtal Katrínar
Ofsóttur innan veggja Boeing
Segjast ekki vera á kaldri slóð
Aðeins ein leið fær í Grindavíkurmálum
Ný staða uppi og óvissan meiri
Aðkoman í gripahúsið mjög slæm
Bjarkey stendur við skammarbréf Svandísar