Tæplega 14 þúsund eru látnir á Spáni úr kórónuveirunni en alls létust 743 þar síðastliðinn sólarhring. Skipar landið annað sætið á eftir Ítalíu á lista yfir fjölda látinna af völdum COVID-19.
Spænsk yfirvöld höfðu vonast til þess að dauðsföllum í landinu vegna veirunnar fækkaði áfram, líkt og undanfarna sólarhringa en í gær létust 637.
Alls hafa 140.510 greinst með kórónuveiruna á Spáni en staðfest smit eru eingöngu fleiri í Bandaríkjunum.