Óeirðalögregla var kölluð út í hollensku borginni Eindhoven í gærkvöldi eftir að hópur fólks kom saman og mótmælti hertum sóttvarnaaðgerðum vegna kórónuveirufaraldursins. Útgöngubann tók gildi í gærkvöldi.

Lögregluþjónar beittu táragasi og öflugum vatnsbyssum til að dreifa mannfjöldunum. Sumir þeirra hentu flugeldum í átt að lögreglu, brutu rúður og brutust inn í verslanir.

Mótmælendur kveiktu meðal annars í bíl. AFP

Rúmlega hundrað voru handteknir.

Auk mótmælanna í Eindhoven var kveikt í skimunarmiðstð í bænum Urk í norðurhluta Hollands á laugardagskvöld.

„Íkveikjan þar fer yfir öll velsæmismörk,“ sagði heilbrigðisráðherrann Hugo de Jonge. 

Útgöngubann er í gildi frá 21:00 til 04:30 en frá upphafi faraldursins hafa 944 þúsund greinst með veiruna í Hollandi og 13.646 hafa látist.

Frétt BBC.

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• 1 blogg um fréttina

Bloggað um fréttina

• Geir Ágústsson: Holland í línuritum