Nýtt afbrigði breiðist hratt út í New York
Setja bókamerki
Nýtt afbrigði kórónuveirunnar breiðist nú hratt um New York-borg í Bandaríkjunum. Afbrigðið ber í sér stökkbreytingu sem getur haft slæm áhrif á virkni bóluefna, samkvæmt niðurstöðum tveggja teyma vísindamanna.
New York Times greinir frá.
Afbrigðið kallast B.1.526. en það birtist fyrst í sýnum sem tekin voru í borginni í nóvembermánuði. Um miðjan mánuðinn var um það bil fjórði hver sem smitaður var af kórónuveirunni smitaður af þessu nýja afbrigði.
Ein rannsókn á nýja afbrigðinu, sem leidd var af Caltech-tækniháskólanum, birtist á þriðjudag. Niðurstöður hinnar rannsóknarinnar, sem unnin var af vísindamönnum við Columbia háskóla, hafa ekki verið opinberaðar.
Hvorug rannsóknin hefur verið ritrýnd né birt í vísindatímariti en sérfræðingar segja niðurstöður þeirra bendi til þess að útbreiðsla afbrigðisins sé veruleg.
Segjast hafa skotið niður langdræga sprengjuvél
Aðeins ein leið fær í Grindavíkurmálum
Færa slökkviliðið til nútímans
Þrjú og hálft ár fyrir skotárás í Úlfarsárdal
Gerir ráð fyrir 150 samningum í næstu viku
Innviðir þandir og álagið „gríðarlegt“
29 nautgripir fundust dauðir
Bjarkey stendur við skammarbréf Svandísar