Löghlýðnar skyttur á Austurlandi

Lögreglan á Seyðisfirði hefur haldið uppi reglubundnu eftirliti með rjúpnaveiðum á yfirstandandi veiðivertíð. Allir veiðimenn hafa enn sem komið er reynst hafa bæði veiðikort og skotvopnaleyfi í lagi. Þá hefur ekki orðið vart við að veiðimenn veiddu í óþökk landeigenda og hafa engar kærur borist vegna slíkra mála það sem af er rjúpnaveiðitímabilinu, að því er fram kemur á vef lögreglunnar.