Þolinmóðir flugfarþegar

Hlynur Sigurðsson, hlynur@mbl.is

Farþegar sem áttu bókað far með Flugfélagi Íslands í morgun voru þolinmóðir þegar verið var að bóka þá inn rétt fyrir 11 í morgun.  Flestir þeirra höfðu fylgst með fréttum auk þess sem samband var haft við farþega og þeir látnir vita af töfinni.

Verkfall flugumferðastjóra setti flug, bæði á Keflavíkur- og Reykjavíkurflugvelli úr skorðum.

Flugumferðastjórar hafa boðað samskonar verkfall á föstudaginn og mánudag, miðvikudag og föstudag í næstu viku ef ekki semst fyrir þann tíma. Nokkuð ber enn í milli samningsaðila.