Í skartklæðum á þjóðhátíð

Skrúðklæddir þjóðhátíðargestir í einu af hústjöldum Vestmannaeyinga. mbl.is/Sigurgeir Jónasson

Það er hátíðleg stund þegar þjóðhátíð er sett í Vestmannaeyjum. Margir mæta í óvenjulegum búningum eins og þessi fjölskylda, sem ljósmyndari rakst á inni í hvítu tjaldi í Herjólfsdal í dag.

Þjóðhátíð Vestmannaeyja var sett klukkan 14.30 í dag. Jóhann Pétursson setti hátíðina, Stefán Sigurjónsson hélt hátíðarræðu og séra Guðmundur Örn Jónsson flutti hugvekju. Þá söng kór Landakirkju og Lúðrasveit Vestmannaeyja lék.

Að lokinni setningarathöfninni hófst barnadagskrá á Tjarnarsviði.

Dagskrá Þjóðhátíðar Vestmannaeyja 2010