Ísrael svarar eldflaug frá Gaza

Palestínumaður sem særðist borinn inn á Al-Shifa sjúkrahúsið. SUHAIB SALEM

Ísraelskar herþotur skutu flugskeytum á mörg skotmörk á Gaza í dag. Átta særðust í árásunum að sögn vitna og sjúkraliðs. Árásirnar voru gerðar eftir að eldflaug sem var skotið frá Gaza lenti á borginni Ashkelon í Suður-Ísrael. Eldflaugin olli nokkru tjóni en ekki mannskaða.

Sjúkraflutningamenn sögðu að herþoturnar hafi skotið að minnsta kosti fjórum flugskeytum á hús sem öryggissveitir Hamas nota í Gazaborg. Herflugvélar réðust einnig á göng undir landamærin við Egyptaland sem smyglarar nota. Enginn særðist í þeim árásum.

Talsmenn Ísraelshers tjáðu sig ekki um árásirnar en Ísraelar eru vanir að bregðast við eldflaugaárásum frá Gaza.