Unglingalandsmót í bongóblíðu

Fánaborg við setningu 13. unglingalandsmóts UMFÍ í kvöld. mbl.is/Eggert

Setning 13. unglingalandsmóts UMFÍ stendur nú yfir á Íþróttavellinum í Borgarnesi. Að setningu lokinni fer fram kynning á Parkour-íþróttinni. Síðar í kvöld verður einnig kvöldvaka í risastóru tjaldi við tjaldsvæði, krýndur sigurvegari í söngvakeppni dagsins og nokkrar hljómsveitir stíga á svið.

Veðrið leikur við keppendur og mótsgesti og komst hitinn nú síðdegis í 22 gráður. Áætlað var að allt að 12 þúsund manns yrðu á mótssvæðinu um helgina. 

Keppnissvæðið á ungmennalandsmótinu í Borgarnesi. mbl.is/Eggert