Hart barist í mýrarboltanum
Brúnt er ríkjandi litur í mýrarbolta. mbl.is/Sigurjón J. Sigurðsson
Hart var barist á mýrarboltamótinu í Tungudal við Ísafjörð í dag. Var þetta sjötta Evrópumótið, sem þar fer fram í þessari óvenjulegu íþrótt þar sem þeir þykja standa sig best sem verða skítugastir.
Rúmlega 30 lið voru skráð til leiks, 22 karlalið og 13 kvennalið. Mótið stendur nú yfir í tvo daga. Í dag var riðlakeppni en á morgun verða úrslit og einnig verður keppt í ýmsum aukagreinum eins og kajakdrætti.
Keppendur í mýrarboltanum voru hamingjusamir í drullunni í dag og ekki síður þegar þeir skoluðu af sér í Tunguá. mbl.is/Sigurjón J. Sigurðsson
Myndasyrpa: Slegist í drullunni
Hart var barist á mýrarboltamótinu í Tungudal við Ísafjörð um verslunarmannahelgiona. Var þetta sjötta Evrópumótið, sem þar fer fram í þessari óvenjulegu íþrótt þar sem þeir þykja standa sig best sem verða skítugastir.
Birtingardagur: Laugardaginn, 31. júlí 2010
