Jörðin hristist í 40 sekúndur

Jarðskjálftinn sem varð á syðri eyju Nýja-Sjálands í nótt að staðartíma varði í um 40 sekúndur. Nú þegar birta er tekið af degi syðra kemur umfang eyðileggingarinnar stöðugt betur í ljós. Eignatjón er mikið en ekki vitað um manntjón að svo stöddu.

Eins og sjá má í þessu myndskeiði frá Reuters-fréttastofunni er eignatjón verulegt í Christchurch, annarri stærstu borg landsins.

Þótt jarðskjálftar séu tíðir á Nýja-Sjálandi þarf að leita aftur til 1968 til að finna dæmi um eignatjón af þeirra völdum.

Þá týndu þrír lífi í skjálfta sem var 7,1 stig, að sögn Reuters-fréttastofunnar. Stjórnvöld á Nýja-Sjálandi hafa nú lýst yfir neyðarástandi í borginni Christchurch.