Norðmenn ósáttir við Rúnar „njósnara“
Rúnar Kristinsson. mbl.is/Jakob Fannar
Samkvæmt frétt norska dagblaðsins Dagbladet í dag laumaði
Rúnar Kristinsson þjálfari KR sér inn á lokaða æfingu norska landsliðsins á
Laugardalsvelli í gær. Rúnar hefur aðstoðað landsliðsþjálfarann Ólaf
Jóhannesson með því að leikgreina andstæðinga Íslands og í gær sat Rúnar upp í
stúku Laugardalsvallar og horfði á æfingu Norðmanna. „Ég sá liðið,“ sagði Rúnar við sjónvarpsstöðina TV2 í gær.
Frétt TV2 í heild sinni.
Egill „Drillo“ Olsen
þjálfari Norðmanna var ekki ánægður þegar fréttamenn sögðu honum frá því að
Rúnar hefði séð æfinguna. „Þegar það er lokuð æfing þá á hún að vera lokuð,“ sagði Olsen við sjónvarpsstöðina TV2 í gær.
„Þetta eru brot á reglum og ég vona að þetta sé ekki rétt sem þú segir,“ bætti
Ola By Riise aðstoðarþjálfari Noregs við.
Brede Hangeland fyrirliði norska landsliðsins og leikmaður Fulham í
ensku úrvalsdeildinni telur að Íslendingar hafi gert mistök með því að njósna á
æfingunni. „Þetta er ekki nógu gott hjá þeim og ég held að við verðum bara
hefna fyrir þetta í leiknum,“ sagði
Hangeland.
