Álftanes fékk endurfjármögnun

Álftanes var komið í vanskil hjá lánasjóði sveitarfélaga. mbl.is/Ómar

Lánasjóður sveitarfélaga veitir sveitarfélögum lán gegn veði í tekjum þeirra. Eins og fram kom í frétt Morgunblaðsins fyrr í vikunni gekk sjóðurinn í fyrsta skipti að veði í tekjum sveitarfélags á fyrri hluta þessa árs.

Ekki fékkst upplýst hjá sjóðnum hvaða sveitarfélag átti í hlut en samkvæmt bréfum sjóðsins til ráðherra sveitarstjórnarmála sem fengust í ráðuneytinu var Álftanes skuldarinn, að því er fram kemur í ítarlegri umfjöllun um mál þetta í Morgunblaðinu í dag.