Fara af gjörgæslu í dag

Mikill viðbúnaður var hjá lögreglu og slökkviliði vegna slyssins. Ljósmynd/Guðný Erla

Mennirnir tveir sem slösuðust í bílslysi á Reykjanesbraut í gær eru enn á gjörgæsludeild Landspítalans en ástand þeirra er stöðugt og þeir verða fluttir á almenna deild í dag, að sögn læknis á gjörgæsludeild í morgun.

Sex voru fluttir á slysadeild eftir áreksturinn á Reykjanesbraut, tveir strax lagðir inn á gjörgæsludeild en hinir á almenna deild. Klippa þurfti báða bílana í sundur til að ná farþegunum út.