Íhuga að láta taka sýni

Séð yfir Grímsnesið. www.mats.is

Hreppsnefnd Grímsnes- og Grafn­ings­hrepps íhugar að láta fram­kvæma sýnatöku á nokkrum þeim stöðum þar sem bílar frá Holræsa- og stífluþjónustunni hafa vanið komur sínar.Þetta kemur fram á vef Sunnlenska. Eins og fram hefur komið í fréttum losuðu starfsmenn fyrirtækisins seyru út á vatnsverndarsvæði við Þingvallavatn.

,,Það hefur engin ákvörðun verið tekin um hvernig við berum okkur að í þessu máli en vissulega skoðum við þann möguleika að láta fram­kvæma sýnatöku. Við fylgjumst með því hvernig málinu vindur fram,“ segir Ingibjörg Harðardóttir, sveitarstjóri.

Ingibjörg segir ólíklegt að samningur við fyrirtækið yrði endurnýjaður en hann rennur út um næstu áramót.