Snedeker og Day efstir - Tiger Woods lék vel

Brandt Snedeker frá Bandaríkjunum deilir efsta sætinu þegar keppni er hálfnuð á Deutsche Bank meistaramótinu í golfi en Ástralinn Jason Day er einnig á 12 höggum undir pari samtals. Mótið er annað af alls fjórum mótum Fed-Ex úrslitakeppninnar þar sem að sigurvegarinn fær um 1,2 milljarða kr. í verðlaunafé. 

Snedeker lék best allra á öðrum keppnisdegi eða 64 höggum. Tiger Woods náði sér á strik á öðrum keppnisdegi og lék á 65 höggum eða 6 höggum undir pari vallar. Hann er samtals á 5 höggum undir pari í  29.- 35. sæti. Woods bætti stöðu sína um 58 sæti á milli keppnisdaga.