Reyndi að blekkja lögreglu en mistókst

Við nánari skoðun kom í ljós að maðurinn hafði verið sviptur ökuréttindum og mun hann verða kærður fyrir ölvunarakstur, akstur sviptur ökurétti og hegningarlagabrot með því að hafa notað ófalsað skjal í blekkingarskyni, samkvæmt dagbók lögreglunnar á Selfossi.  

Skömmu fyrir kl. 05:00 á sunnudagsmorgun voru brotnar tvær rúður í Litlu kaffistofunni.  Fjórir ungir menn eru grunaðir um verknaðinn en þeir voru horfnir á braut í leigubifreið þegar lögregla kom á staðinn.  Lögregla veit hverjir mennirnir eru og munu þeir verða kallaðir til yfirheyrslu vegna málsins.

Um kl. 01:00 aðfaranótt sunnudags voru unnin skemmdarverk í Guðnabakarí á Selfossi.  Rúða var brotin á bakhlið og blómapottar framan við verslunina brotnir.  Þeir sem veitt geta upplýsingar um málið eru beðnir að hafa samband í síma 480 1010. 

Hjólreiðamaður varð fyrir bifreið á móts við Breiðumörk 2 í Hveragerði síðastliðið laugardagskvöld.  Við það féll hann af hjólinu og slasaðist á höfði og öxl.  Maðurinn var fluttur með sjúkrabifreið á heilsugæslustöðina á Selfossi til rannsóknar og aðhlynningar.  Maðurinn reyndist ekki alvarlega slasaður.  Þegar slysið átti sér stað var farið að skyggja en ekkert ljós var á hjólinu né glit og maðurinn var ekki með hjálm.