Innlent
| mbl
| 7.9.2010
| 9:53
Færeyski lögmaðurinn gagnrýnir Jenis
Jóhanna Sigurðardóttir og Kaj Leo Johannesen á Þingvöllum þegar færeyski lögmaðurinn kom í heimsókn hingað á síðasta ári.
Kaj Leo Johannesen, lögmaður Færeyja, gagnrýnir Jenis av Rana, leiðtoga færeyska Miðflokksins, harðlega fyrir að neita að mæta í kvöldverðarboð til heiðurs Jóhönnu Sigurðardóttur, forsætisráðherra, í kvöld.
Johannesen sagði við færeyska útvarpið í morgun, að Jenis ætti að skammast sín fyrir ummæli sín. Jenis av Rana sagðist ekki ætla að mæta í kvöldverðinn vegna þess að heimsókn íslenska forsætisráðherrans væri ögrun en Jenis er mjög andvígur auknum réttindum samkynhneigðra.
© Árvakur hf.
Öll réttindi áskilin
