Mannskæð árás í Pakistan

Önnur sprengja sprakk í Pakistan í gær með alvarlegum afleiðingum. Reuters

Tólf eru látnir og yfir 50 særðir eftir að sprengja sprakk við lögreglustöð í borginni Kohat í Pakistan í dag. Um sjálfsvígsárás var að ræða. Að sögn yfirvalda eru konur og börn í meirihluta þeirra sem særðust og létust.

Þau segja að 10 byggingar hafi jafnframt skemmst mikið í sprengingunni og liggur fólk fast inni í rústunum.

Um var að ræða sprengju sem var komið fyrir í bifreið. Henni var ekið upp að hliði lögreglustöðvannar, n.t.t. við svæði þar sem lögreglumenn og fjölskyldur þeirra koma saman. Fólk var að ljúka föstu þegar sprengjan sprakk.