Íþróttir | Körfubolti | mbl | 9.9.2010 | 19:10

Liðsstyrkur til Keflvíkinga

Hörður Axel Vilhjálmsson leikmaður Keflavíkur í leik gegn Snæfelli. hag / Haraldur Guðjónsson

Karla- og kvennalið Keflavíkur í körfuknattleik hefur samið við tvo bandaríska leikmenn sem munu spila með liðinu á komandi leiktíð. Þetta kemur fram á vef félagsins í dag.

Hjá karlaliðinu hefur Valentino Maxwell ákveðið að ganga til liðs við Keflavík og mun hann koma til landsins eftir helgi. Maxwell er fæddur árið 1985. Hann 1,93m á hæð og með ítalskt vegabréf. Hann spilar stöðu skotbakvarðar og framherja en hann spilaði með Umana Reyer Venezia á Ítalíu á síðasta tímabili.

Jacqueline Adamshick mun spila með kvennaliðinu. Adamshick er fædd árið 1983. Hún er 1,83m á hæð en hún spilaði hjá þýska liðinu Keltern á síðustu leiktíð.