Prédikari fundinn sekur um mannrán og nauðgun

Brian David Mitchell hefur verið fundinn sekur um að hafa rænt Smart og nauðgað henni ... stækka

Brian David Mitchell hefur verið fundinn sekur um að hafa rænt Smart og nauðgað henni ítrekað í níu mánuði. Reuters

Heimilislaus götuprédikari var í dag fundinn sekur um að hafa rænt 14 ára gamalli stelpu og haldið henni fanginni í níu mánuði og nauðgað fyrir átta árum. Það tók kviðdóminn um fimm klukkustundir að komast að niðurstöðu.

Brian David Mitchell og kona hans brutust inn í svefnherbergi stúlkunnar, Elizabeth Smart, og höfðu hana á brott með sér í júnímánuði árið 2002. Henni var bjargað úr prísundinni níu mánuðum síðar en málið vakti heimsathygli á sínum tíma.

Lögfræðingur Mitchell reyndi að halda því fram fyrir rétti að skjólstæðingur sinn væri ekki sakhæfur sökum geðveilu, en hann á að hafa sönglað nánast öll réttarhöldin. Kviðdómur kvað þó upp þann úrskurð að Mitchell væri nægilega heilvita til að taka ábyrgð á gjörðum sínum

Smart , sem er orðin 23 ára gömul, bar vitni við réttarhöldin og brosti þegar dómurinn var kveðinn upp.

Elizabeth Smart við dómshúsið í Salt Lake City í Utah-fylki í Bandaríkjunum

Elizabeth Smart við dómshúsið í Salt Lake City í Utah-fylki í Bandaríkjunum STR

  • Til baka
  • Blogga um frétt
  • Senda

Erlent — Fleiri fréttir

Í gær

Föstudaginn 29. ágúst

Fimmtudaginn 28. ágúst