Ekkert lát er á mótmælum í Sýrlandi þrátt fyrir allt mannfallið. HANDOUT

Að mati UNICEF hafa 384 börn fallið í átökunum í Sýrlandi síðan þau hófust fyrir 10 mánuðum. Flest þessara barna eru drengir, sumir yngri en 14 ára.

Tugir óbreyttra borgara féllu í Sýrlandi í dag í mótmælaaðgerðum víða í landinu.

Sameinuðu þjóðirnar segja að yfir 6.000 manns hafi fallið síðan mótmælin hófust. Stjórnvöld í Sýrlandi segja hins vegar að um 2.000 lögreglumenn og öryggissveitarmenn hafi fallið í átökum við hryðjuverkamenn sem herji á landið.