Tveir í haldi vegna heimilisofbeldis

mbl.is/Eggert

Tveir karlmenn um fertugt eru í haldi lögreglu eftir heimilisofbeldi. Málin tengjast ekki og áttu þau bæði sér stað í austurborginni. Að sögn lögreglunnar komu þau upp með klukkustundar millibili á fjórða og fimmta tímanum í nótt. 

Talið er að kona sé handleggsbrotin í öðru málinu en hitt atvikið var ekki eins alvarlegt. Mennirnir  voru báðir í annarlegu ástandi. Þetta kemur fram í tilkynningu frá lögreglunni.