Hrina innbrota

Brotist var inn í þrjá bíla við Suðurgötu í Reykjavík í dag. mbl.is/Júlíus

Lögreglan hefur verið kölluð til mörgum sinnum í dag vegna innbrota í bíla og hús. Frá hádegi og til kl. rúmlega 3 var tilkynnt um sex innbrot þar af þrjú í bíla við Suðurgötu.

Rétt fyrir hádegi var tilkynnt um innbrot og þjófnað úr bifreið við Suðurgötu.  Klukkustund síðar var tilkynnt um innbrot í aðra bifreið við við sömu götu.  Ekki vitað um hvort einhverju var stolið.   

Um kl. 13 var tilkynnt um innbrot í herbergi í húsnæði við Hjallabrekku.  Óljóst hvort um þjófnað hafi verið að ræða.  Nokkrum mínútum síðar var tilkynnt um innbrot í bifreið við Hofgarða. Ekki vitað að svo stöddu hvort einhverju var stolið.  

Kl. 14.26 var svo enn á ný tilkynnt um innbrot í bifreið við Suðurgötu.  Ekki vitað hvort einhverju hafi verið stolið.  

Þá var aðeins fáum mínútum síðar tilkynnt  um innbrot í húsnæði í Hjarðarlandi.  Ekki enn vitað hvort einhverju hafi verið stolið í því innbroti.