Hálkublettir víða um land

Hálka er víða um landið. mbl.is/Golli

Á Suðurlandi eru hálkublettir  á Lyngdalsheiði og á efri hluta Landvegar en annars er greiðfært. Hálkublettir eru víða á Snæfellsnesi og í Dölum en hálka á Bröttubrekku, Holtavörðuheiði og í Svínadal. Snjóþekja er á Fróðárheiði.

Þetta kemur fram í tilkynningu frá Vegagerðinni

Á Vestfjörðum er hálka eða hálkublettir á flestum leiðum. Á Norðvesturlandi eru hálkublettir á flestum leiðum í Húnavatnssýslu  en hálka á flestum vegum í Skagafirði og á Öxnadalsheiði.

Norðaustanlands er  hálka á Víkurskarði og Mývatns- og Möðrudalsöræfum. Einnig er hálka á  Tjörnesi, Hálsum og Hófaskarðsleið. Á Austurlandi er hálka á Fjarðarheiði en flestar aðrar leiðir eru greiðfærar.

Á Suðausturlandi eru allar helstu leiðir greiðfærar.