Í Kópavogi. mbl.is/Ómar

„Það væri æskilegt að klára þetta í vikunni,“ sagði Ármann Kr. Ólafsson, oddviti sjálfstæðismanna í Kópavogi, um viðræður um myndun nýs meirihluta þar í bæ.

Fundur var í gær og kvaðst Ármann reikna með að aftur yrði fundað í dag.

Hann sagði að nú væri verið að láta athuga ýmis atriði og afla svara við ýmsum spurningum sem upp hafa komið. Ármann vildi ekki tjá sig neitt um skiptingu nefnda eða embætta né heldur um það hver yrði bæjarstjóri. Hann sagði að góður andi hefði verið í viðræðunum.