Erlent
| AP
| 12.2.2012
| 22:53
| Uppfært
23:41
Gríska þingið samþykkir niðurskurð
Lucas Papademos forsætisráðherra Grikklands á þinginu í dag. AP
Gríska þingið hefur samþykkt umdeildar niðurskurðartillögur. Mikil mótmæli hafa verið í Aþenu, höfuðborg landsins, í dag. Hafa mótmælin aðallega verið fyrir utan þinghúsið þar sem tillögurnar hafa verið ræddar í dag.
Áætlunin sem nú hefur verið samþykkt felur í sér verulegan niðurskurð í opinberum útgjöldum en hann er sagður nauðsynleg forsenda þess að Grikkir hljóti 130 milljarða evra neyðarlán frá Evrópusambandinu og Alþjóðagjaldeyrissjóðnum.
Atkvæði um frumvarpið voru greidd nú í kvöld á gríska þinginu. Umræður um frumvarpið hafa staðið í allan dag.
© Árvakur hf.
Öll réttindi áskilin
