Fimm pör tvíbura á leikskólanum á Þingeyri

Á leikskólanum Laufási á Þingeyri eru fimm pör tvíbura. Tvennir þessara tvíbura eru eineggja en þrennir eru tvíeggja. Þetta er sérstaklega merkilegt þegar litið er til þess að á leikskólanum eru "ekki nema" 32 börn og um þriðjungurinn því tvíburar. Að sögn Sonju Elínar Thompson, leikskólastjóra á Laufási, er þetta fyrsti veturinn þar sem þessu er svona háttað, en í fyrra voru þrennir tvíburar á leikskólanum.

Á myndinni hér til hliðar, sem Sonja Elín tók af tvíburunum, eru í aftari röð systurnar Heiðdís Birta og Hafdís Katla Jónsdætur (5 ára) og bræðurnir Anton og Brynjar Hjaltasynir (3 ára). Í fremri röð eru þau Birta Rós og Guðlaugur Rafn Daníelsbörn (2 ára), Jeremy og Caroline Jóhannesbörn (2 ára) og Dagur Ernir og Birna Filippía Steinarsbörn (1 árs).

• Blogga um frétt