Frank Ú. Michelsen úrsmíðameistari og stjórnarmaður í Þróunarfélagi Miðborgarinnar hefur sent frá sér yfirlýsingu þar sem hann mótmælir óvönduðum vinnubrögðum þeirra sem standa fyrir því að hengja svarta borða á hús við Laugaveg. Í yfirlýsingunni segir hann að miklar rangfærslur alla hafi tíð einkennt málflutning þeirra sem séu á móti uppbyggingu Laugavegar og að þeir hafi lítt hirt um að hlusta á leiðréttingar varðandi atriði sem þeir hafi misskilið í málinu.

Þá bendir hann á að ekki hafi verið gefin heimild til að rífa 25 hús við Laugaveginn í nýju deiliskipulagi eins og haldið hafi verið fram heldur að hægt sé að sækja um leyfi til að fjarlægja allt að 25 hús ef sýnt verði fram á að þau hús sem reist verðið í stað þeirra muni falla vel að umhverfi sínu. Það sé því ljóst að sum þessa húsa verða ekki fjarlægð eins og til dæmis „Brynju" húsið við Laugavegi 29 þar sem eigandi þess hafi lýst því yfir að það verði ekki fjarlægt.

Frank sagði í samtali við blaðamann Fréttavefjar Morgunblaðsins í dag að húsið við Laugavegi 17 sé einnig alltaf talið með þeim húsum sem eigi að rífa þrátt fyrir að því hafi verið marglýst yfir að það standi ekki til og að það hafi verið eitt þeirra húsa sem var merkt með svörum borða í dag.