Nokkuð var um umferðaróhöpp á Reykjanesi í dag. Lögreglan í Keflavík varð m.a. vitni að því klukkan 5:40 í morgun þegar bíll snérist á Reykjanesbraut og hafnaði síðan utan vegar þar sem hann fór eina veltu. Tveir voru í bílnum en þeir sluppu ómeiddir. Mikil hálka var á staðnum þar sem óhappið varð. Bíllinn var fluttur á brott með dráttarbíl.

Kl. 10:52 var tilkynnt að bifreið hafi verið ekið á mannlaust hús á Meiðastaðavegi í Garði. Lögregla fór á staðinn. Á vettvangi hafði ökumaður misst stjórn á jeppa sinni í hálku og hafnað á bílageymslu Geymslan, sem til stóð að rífa, skemmdist talsvert svo og bíllinn, sem var fjarlægur með dráttarbifreið. Engin slys urðu á fólki.

Kl. 11:40 var tilkynnt að bíll hefði lent á ljósastaur á Reykjanesbraut á Fitjum í Njarðvík. Engin slys urðu á fólki og ökumaður sá sjálfur um að koma bifreið sinni í burtu. Skemmdir urðu á staurnum.

Kl. 12:52 var tilkynnt um bílveltu á Sandgerðisvegi rétt sunnan við Miðnesheiðarveg. Lögregla og sjúkralið fór á staðinn. Ökumaðurinn, sem hafði verið einn í bílnum, var fluttur á Heilbrigðisstofnun Suðurnesja til aðhlynningar. Bíllinn var fjarlægður með dráttarbifreið.

Á dagvaktinni urðu tvö önnur minniháttar umferðaróhöpp. Tveir ökumenn hafa verið kærðir fyrir að vera ekki með öryggisbelti við akstur.