Innlent | mbl | 15.2.2007 | 18:31 | Uppfært 20:35

Klámþing verður haldið hér á landi í næsta mánuði

Klám á netinu. Morgunblaðið/Kristinn

Halda á þing framleiðenda klámefnis fyrir netmiðla hér á landi í næsta mánuði og munu tugir framleiðenda sitja það. Þá verða teknar ljósmyndir af því tilefni. Frægar klámmyndastjörnur eru væntanlegar til landsins, að sögn skipuleggjanda þingsins, Christinu Ponga.

Gestirnir munu dvelja á Radisson SAS, Hótel Sögu. Fólkið ætlar í hestaferðir og á skíði og skoða landið. Ponga segir fólk verða ljósmyndað hér og þá klámmyndir á ferð, en fólk þurfi ekki að óttast að allsberar konur verði á hlaupum á víðavangi. Ríkisútvarpið sagði frá þessu í kvöldfréttum. Eins hafa bloggarar fjallað um þetta á bloggvefjum sínum meðal annars Sóley Tómasdóttir.

Bloggvefur Sóleyjar Tómasdóttur