Davíð Oddsson, fyrrverandi forsætisráðherra, kann að verða kallaður til vitnisburðar í Baugsmálinu, að því er greint var frá í kvöldfréttum Ríkisútvarpsins. Hefur Sigurður Tómas Magnússon saksóknari íhugað að kalla Davíð fyrir til að spyrja hann um fund hans og Hreins Loftssonar í London 2002.
Haft var eftir Sigurði í fréttum RÚV að ef til vill muni frásögn Hreins af fundinum fyrir dómi ekki verða talin duga. Ekkert hafi þó enn verið ákveðið.