Formaður MORFÍS, Brynjar Guðnason óskar eftir því að Jakob Möller dragi ummæli sín til baka en Jakob, verjandi Tryggva Jónssonar í Baugsmálinu, gagnrýndi Sigurð Tómas Magnússon, settan ríkissaksóknara, í málflutningi gær og sagði að sóknarræða Sigurðar á mánudag og í gær hefði á löngum köflum verið full af „MORFÍS-brögðum".

Brynjar vill árétta vegna fréttar sem birtist á á mbl.is gær þar sem ummæli Jakobs komu fram að MORFÍS hvetur ekki né undirbýr menn á nokkurn hátt undir að snúa út úr eða gera réttarhöld að skrípaleik.

„Ummæli Jakobs vísa eingöngu til vanþekkingar á MORFÍS, enda er líklegt að hann hafi ekki séð slíka keppni í hartnær tuttugu ár.

Brynjar óskar eftir því að Jakob dragi þessi ummæli sín til baka," að því er segir í yfirlýsingu frá formanni MORFÍS.

MORFÍS er ræðukeppni nemenda framhaldsskólanna.

Tengdar fréttir

Dómur í Baugsmáli

Enn á ný fyrir dóm

• Gamla Baugsmálið enn á ferðinni
• „Ég er hreinlega gáttaður"
• Ákært á ný í Baugsmálinu
• Jóhannes Jónsson í Bónus undirbýr kæru vegna Baugsmálsins

» Fleiri tengdar fréttir

• 1 blogg um fréttina

Bloggað um fréttina

• Óttarr Makuch: Yfirlýsing - Til hvers?