Ók á gangandi mann og flutti hann síðan á sjúkrahús

Ekið var á gangandi vegfaranda á gönguljósum á Miklubraut austan við Lönguhlíð um klukkan 18. Umferð var stöðvuð við ljósin er vegfarandi um tvítugt gekk yfir á rauðu gönguljósi er fólksbíll sem kom akandi eftir strætisvagnaakreininni keyrði á hann. Vegfarandinn skall fyrst á vélarhlíf bílsins og gerði síðan gat á framrúðu hans og kastaðist þvínæst yfir bílinn.

Er lögregla kom á slysstað voru bæði vegfarandinn og bílstjórinn horfnir þaðan en ökumaður hafði ekið fórnarlambi sínu á slysadeild LSH þar sem gengið var úr skugga um að meiðsl hans voru ekki alvarleg.

• 3 blogg um fréttina

Bloggað um fréttina

• Krummi: Ekki alveg til fyrirmyndar
• Brynhildur Jónsdóttir: Fyrrum Londonarbúi?
• Einar Jakob Jónsson: Heilsteypt manneskja.