Hin risavaxna strengjabrúðusýning franska götuleikhússins Royal de Luxe stendur nú sem hæst í miðborg Reykjavíkur. Í morgun kl. 10:30 fór risafígúran risessan aftur á flakk um götur borgarinnar og hélt áfram að færa Íslendingum skemmtilegt ævintýr. Segja má að miðborgin sé eitt stórt leiksvið þar sem risessan hugljúfa og faðir hennar risinn takast á. Lokaatriðið verður á hafnarbakkanum klukkan 17.00.