Skip Sea Shepherd leggur af stað áleiðis til Íslands í dag
Setja bókamerki
Paul Watson, formaður náttúruverndarsamtakanna Sea Shepherd, segir að samtökin muni „binda enda“ á hvalveiðar Íslendinga, og í dag leggur skip samtakanna, Farley Mowat, af stað frá Ástralíu áleiðis til Íslands. Um borð eru sjálfboðaliðar hvaðanæva úr heiminum, að því er fram kemur í frétt AFP.
Í tilkynningu frá Watson í dag minnir hann á að samtökin hafi sökkt tveim íslenskum hvalveiðiskipum 1986, og segir að samtökin muni „binda enda“ á hvalveiðarnar sem Íslendingar hófu í október sl. Segir Watson að ekki megi leyfa Íslendingum að eyða hvölunum, og því eigi meðlimir samtakanna ekki annars úrkosti en að leggja líf sitt og skip að veði til varnar hvölununum í Norður-Atlantshafi.
Sea Shepherd samtökin lentu í útistöðum við japanska hvalveiðimenn á Suðurhöfum í febrúar og lentu skip samtakanna m.a. í árekstrum við japönsk hvalveiðiskip.
Áköf mótmæli í bandarískum háskólum
Íslendingar ein mest einmana þjóð heims
„Þetta er pínu óvanaleg staða“
Fiskikóngurinn: „Mér fannst sárt að heyra það“
Fara ekki lengur fram á einangrun yfir Davíð
„Mér finnst Halla Hrund svona Vigdísarleg“
Sáttur við sína stöðu og finnur fyrir meðbyr