Sjö af 25 sölustöðum í Hafnarfirði seldu unglingum tóbak

Forvarnarnefnd Hafnarfjarðar stóð þann 14. maí sl. fyrir könnun þar sem tveir 15 ára unglingar úr 10. bekk fóru á sölustaði tóbaks í Hafnarfirði. Unglingarnir reyndu að kaupa tóbak á 25 sölustöðum og tókst það á sjö sölustöðum, eða í 28% tilvika. Á einum sölustaðnum vorkenndi sölumaður unglingunum að geta ekki keypt tóbak og gaf þeim tvær sígarettur af eigin birgðum.

Fram kemur í fréttatilkynningu að upplýsingar úr könnuninni verði sendar heilbrigðiseftirliti Kópavogs- og Hafnarfjarðarsvæðisins þar sem unnið verður úr þeim. Má búast við því að þeir staðir sem uppvísir urðu að því að selja börnunum tóbak fái áminningu eða verði sviptir tóbakssöluleyfi.

• Blogga um frétt