Ný ríkisstjórn leggi áherslu á jafnrétti í reynd og að Ísland verði áfram í fararbroddi þeirra þjóða sem búa við mesta velferð og lögð verður áhersla á aukin jöfnuð þjóðfélagshópa í samfélaginu. Fæðingarorlof verði lengt í áföngum og gerð verði áætlun um að minnka óútskýrðan laun kynjanna og hann verði minnkaður um helming á kjörtímabilinu.

Ingibjörg sagði að leitað verði leiða til að lækka lyfjaverð og skapa þurfi svigrúm til fjölbreyttari rekstarleiða í heilbrigðisþjónustu en allir hafi áfram jafnan rétt til hennar.

Einnig þurfi að skapa sátt um nýtingu og vernd náttúrulinda og unnin verði rammaáætlun þar að lútandi. Opinská umræða fari fram um Evrópumál og endurskoðun stjórnarskrár fari fram og í þeirri vinnu verði lögð sérstök áhersla á að leiða til lykta ágreining um eignarrétt. Sömuleiðis sagði Ingibjörg að í stjórnarsáttmálanum væri ákveðið að taka frumkvæði um friðsamlega stefnu í alþjóðamálum.

Ingibjörg bætti því við eftir að hún og Geir fóru yfir málefni nýrrar ríkisstjórnar, að tólf helstu málefni sem Samfylkingin lagði áherslu á í kosningabaráttu sinni hefðu náð inn í stjórnarsáttmála. Hún væri sérstaklega ánægð með hversu mikið vægi jafnréttismálin fá í sáttmálanum.