Margir biðu á Binnabryggju í Vestmannaeyjum þegar þátttakendur í sjóstangveiðimóti komu inn í dag. Mótið fór fram í gær og dag. 36 keppendur voru í mótinu á níu bátum og var aflinn þokkalegur, eða um 5,5 tonn hvorn dag. Veðrið var þokkalegt þótt einhverjir kvörtuðu yfir brælu.
Alls eru átta mót í árlegri Íslandsmótaröð í stangveiði og var mótið í Vestmannaeyjum annað í röðinni. Það fyrsta var Reykjavíkurmótið, sem raunar fór fram á Patreksfirði.