Launahækkun seðlabankastjóra var að sögn fréttastofu Sjónvarpsins málamiðlunarlending innan bankaráðs Seðlabankans. Upphaflega tillagan að launahækkuninni mun hafa hljóðað upp á 250 þúsund hækkun sem tæki gildi strax. Því munu fulltrúar Samfylkingar hafa mótmælt og varð niðurstaðan sú að hækkunin var samþykkt í tveimur 100 þúsund króna þrepum á næsta hálfa árinu.