Hátíðardagskrá fór vel fram í Reykjavík

Hátíðardagskrá á Austurvelli í Reykjavík fór vel fram. Forseti Íslands, Ólafur Ragnar Grímsson lagði blómsveig frá íslensku þjóðinni að minnisvarða Jóns Sigurðssonar með aðstoð útskriftarnema Menntaskólans í Reykjavík. Björn Ingi Hrafnsson, formaður Þjóðhátíðarnefndar flutti ávarp sem og Forsætisráðherra Íslands, Geir H. Haarde. Á milli ræðuhalda flutti Karlakór Reykjavíkur Þjóðsönginn og ættjarðarlög. Fjallkonan flutti ljóð sem Þórarinn Eldjárn samdi sérstaklega fyrir tækifærið og það var leikkonan Sólveig Arnarsdóttir sem var fjallkonan í ár.

Veður er milt í Reykjavík, það er skýjað og þrettán stiga hiti, Veðurstofa Íslands spáir þó einhverri vætu upp úr hádeginu. Klukkan eitt fór Fornbílaklúbburin í hópakstur um miðbæinn og endaði hann á Miðbakka Reykjavíkurhafnar þar sem sýning á bílunum stendur nú yfir.