Skemmdarverk unnin á björgunarskipi í Sandgerðishöfn

Skemmdarverk voru unnin um borð í björgunarskipinu Verði í Sandgerðishöfn í gærkvöldi, að því er fram kemur á fréttavefnum vf.is. Smurfeiti var makað víða um skipið, rótað í búnaði og tæmt úr tveimur duftslökkvitækjum innandyra og yfir björgunarhraðbát sem lá utan á Verði.

Mikið var lagt upp úr því að maka smurfeitinni á alla hurðahúna og í sæti. Þá var slökkvidufti meðal annars sprautað yfir tækjabúnað í stýrishúsi. Það hefur því talsverður tími farið í skemmdarverkið, segir í frétt vf.is.

• 4 blogg um fréttina

Bloggað um fréttina

• Bjarni Thor Kristinsson: Eru Íslendingar miklir skemmdarvargar miðað við höfðatölu?
• Guðrún Emilía Guðnadóttir: Á ekki til orð.
• Pálmi Freyr Óskarsson: Hvernig geta menn lagst svona lágt....
• Jóhann Elíasson: Er hægt að leggjast lægra??????????