Lögreglan í Eyjum sinnir eigendum tapaðra hluta

Talsverður fjöldi mála liggur á borði lögreglunnar í Vestmannaeyjum eftir helgina. Eitt helsta verkefni lögreglunnar í Eyjum eftir þjóðhátíð er þó að sinna fyrirspurnum vegna tapaðra hluta.

Lögreglunni í Eyjum telst til að komið hafi verið upp um 11 fíkniefnamál um helgina. Þá voru 10 eignarspjöll kærð til lögreglu, 5 líkamsárásir og 5 þjófnaðir. Lögregla hafði afskipti af 17 manns vegna ölvunar á almannafæri og var veist að einum lögreglumanni.

Fjórir ökumenn voru teknir fyrir ölvunarakstur og voru 6 teknir án ökuréttinda. Þá þurfti að hafa afskipti af ökumönnum vespa, sem leigðar voru út, sem ýmist voru undir áhrifum áfengis eða fíkniefna.

• 2 blogg um fréttina

Bloggað um fréttina

• Guðrún Jónsdóttir: Ekki mér að kenna...
• Pétur Björn Jónsson: Tjald frá ´89