Innbrot í hús í Garðabæ upplýst

Innbrot á heimili við Bæjargil í Garðabæ, þar sem óviðkomandi menn höfðu hreiðrað um sig í húsnæði fólks sem þá var erlendis, hefur verið upplýst. Um var að ræða fjóra pilta á tvítugsaldri, sem hafa verið yfirheyrðir og allir játað aðild sína að málinu.

Einn mannanna þekkti til íbúanna í húsinu og vissi um för þeirra til útlanda. Hluti af því sem stolið var hefur verið endurheimt en m.a. var stolið tölvum, flatskjá, heimabíói og skartgripum.

• 1 blogg um fréttina

Bloggað um fréttina

• Jóhannes Ragnarsson: Hressir strákar í Garðabæ.