Ingibjörg Sólrún: Meira mál að senda fólk til Írak en að boða það heim

Eftir Rósu Björk Brynjólfsdóttur - rosabjork@mbl.@is
Ingibjörg Sólrún Gísladóttir segir umræðuna um ákvörðun sína um að kalla heim íslenska friðargæsluliðann í Írak hafa einkennst af misskilningi og upphrópunum. Hún segir heimkvaðninguna ekki hafa áhrif á framboð Íslands til öryggisráðs Sameinuðu þjóðanna og friðargæsluliðar í Afganistan og á Sri Lanka verði ekki kallaðir heim að svo stöddu.

Ingibjörg Sólrún segir ennfremur að fjölmargar NATO þjóðir hafi enga fulltrúar á þeirra vegum væru í Írak en borgi frekar í sjóði sem rynnu til uppbyggingar í landinu. Einnig benti hún á að stöðugildið í Írak væri það eina innan friðargæslunnar sem ekki snúist beint um uppbyggingu þróunarmála.

Siv Friðleifsdóttir, fulltrúi Framsóknarmanna í utanríkismálanefnd Alþingis, hefur óskað þess að utanríkisráðherra mæti á fund nefndarinnar og geri grein fyrir ákvörðun sinni. Því vísar ráðherra alfarið á bug og bendir meðal annars á að ákvörðun um að styðja innrásina í Írak, hafi á sínum tíma ekki verið lögð fyrir utanríkismálanefnd. Miklu meira mál sé að senda fólk til Írak en að kalla það heim frá störfum þaðan.