Ekki góð laun í Kópavogi

Starfsmannafélag Kópavogs krefst fundar með launanefnd sveitarfélaga til að bæta úr óréttlæti í kjaramálum. Jófríður Hanna Sigfúsdóttir, formaður starfsmannafélagsins, afhenti Gunnari Rafni Sveinbjörnssyni, formanni launanefndarinnar, kröfubréfið persónulega á mánudag. Í því segir að tilefnið séu yfirlýsingar Gunnars I. Birgissonar, bæjarstjóra í Kópavogi, um að ekki fáist hæft fólk til starfa hjá bæjarfélaginu á launatöxtum sem þar gilda. Í gær hittist stjórn félagsins vegna málsins.

Bæjarstjórinn var að útskýra rífleg launakjör Guðmundar Gunnarssonar verkefnisstjóra þegar hann móðgaði marga starfsmenn bæjarins. Bæjarstjórinn telur orð sín mistúlkuð. Hann hefur áréttað að margt ágætis fólk vinni á launatöxtum Kópavogs, þótt Guðmundur fái meira.

• 3 blogg um fréttina

Bloggað um fréttina

• Ingibjörg Hinriksdóttir: Ekki gripnir upp úr grasinu!
• Jón Ingi Cæsarsson: Ríki og sveitarfélög hafa misst af lestinni.
• Jóhannes Ragnarsson: Snillingurinn Gunnar I. í Kópavogi