Mokstur stendur yfir á helstu leiðum á Norðaustur- og Austurlandi en þar er skafrenningur og hálka, skv. upplýsingum frá Vegagerðinni. Ekkert ferðaveður er á Vopnafjarðarheiði og á Mývatns- og Möðrudalsöræfum en þar er þungfært og skafrenningur og beðið er með mokstur.
Greiðfært er á Suður- og Suðausturlandi.
Greiðfært er á Vesturlandi, þó eru hálkublettir á Holtavörðuheiði.
Á Vestfjörðum eru víða hálkublettir.
Hálkublettir, hálka og snjóþekja er víða á Norðurlandi.
Að gefnu tilefni vill Vegagerðin minna vegfarendur á að vegna framkvæmda við tvöföldun Reykjanesbrautar er nauðsynlegt að sýna þar aðgát. Sérstaklega er fólk beðið að fara varlega við framhjáhlaup við Voga, Grindavíkurveg og Njarðvík og að virða hraðatakmarkanir.