Innlent | mbl | 18.12.2007 | 10:56 | Uppfært 11:20

Um 6.000 umferðalagabrot skráð

Alls voru 5.905 umferðalagabrot skráð hjá lögreglunni um land allt í nóvember sl. Þau voru 3.147 í nóvember á síðasta ári. Hraðakstursbrotin eru áberandi flest eða 3.939 talsins. Er það 167% fleiri brot en yfir sama tímabil í fyrra, að því er segir í nýrri skýrslu frá ríkislögreglustjóra.

Í skýrslunni er farið yfir afbrotatölfræði fyrir nóvembermánuð. Fram kemur að 1.393 hegningarlagabrot hafi verið skráð í málaskrárkerfi lögreglunnar í síðasta mánuði. Það eru fleiri brot en í nóvember síðastliðin fjögur ár. Þá segir að fíkniefnabrot hafi verið 138, sem sé fækkun frá sama tíma síðustu tvö ár.

Eignaspjöll, áfengislagabrot, líkamsmeiðingar og nytjastuldur voru einnig fleiri í ár en í nóvember 2005 og 2006. Þjófnaðarbrot, fíkniefnabrot og akstur gegn rauðu ljósi voru hins vegar færri en á sama tíma síðastliðin tvö ár.

Flest brot vegna vanrækslu á bílbeltanotkun voru skráð í febrúar, eða 276 brot. Flest brot vegna ölvunaraksturs voru skráð í júní, eða 220 brot. Flest brot vegna fíkniefnaaksturs voru skráð í ágúst (98), en brotin voru 83 í nóvember.

Hraðamyndavélar hafa áhrif

Frá janúar og fram til júlí var yfir helmingur ökumanna tekinn á meira en 110 km hraða. Lögreglan bendir hinsvegar á að frá júlí virðist hraðinn hins vegar hafa minnkað, en í nóvember voru aðeins 21% þeirra sem stöðvaðir voru að keyra hraðar en 110 km hraða. Lögreglan telur að hraðamyndavélar geti skipt máli í þessu sambandi, en vélarnar í Hvalfirði voru teknar í notkun í júlí.

Hvað hegningarlagabrot varðar þá var fjölgunin hlutfallslega mest á Akureyri, í Borgarnesi, á Hvolsvelli, Vestfjörðum og í Vestmannaeyjum, miðað við nóvember í fyrra.

Lögreglan segir að fjölgun á umferðarlagabrotum megi að miklu leyti rekja til hraðakstursmyndavélanna í Hvalfirði. Brotin sem þar eru skráð færast á lögregluembættið á Snæfellsnesi.

Þá hefur einnig orðið mikil fjölgun á umferðarlagabrotum á höfuðborgarsvæðinu.

Fíkniefnabrot voru færri en á sama tíma í fyrra á Eskifirði, höfuðborgarsvæðinu, Selfossi, Vestfjörðum og í Vestmannaeyjum.

Skýrsluna má finna á vef ríkislögreglustjóra, www.rls.is/tolfraedi.

Innlent »

Flaggað í hálfa stöng í Súðavík

11:51 Óvanaleg sjón blasti við íbúum Súðavíkur í morgun, en þá hafði einn íbúi bæjarins brugðið á það ráð að flagga fána Landsbankans öfugt, og í hálfa stöng. Meira

Nýstúdentar frá Fjölbrautarskólanum í Garðabæ

Fengu 9,8 í meðaleinkunn

11:49 Tveir nýstúdentar frá Fjölbrautaskólanum í Garðabæ, Katrín Ásta Ingimarsdóttir og Sæþór Pétur Kjartansson, fengu 9,8 í meðaleinkunn í námi sínu. Meira

Hjólin fá að snúast að nýju

12:23 Í dag hófst formlega hjólasöfnun Barnaheilla og flugfélagsins WOW þar sem landsmenn geta gefið gömul hjól með því að koma þeim á Sorpu en Mæðrastyrksnefnd mun sjá dreifingu hjólanna. Hjólin mega vera biluð því sérfræðingar munu lagfæra og gera við þau. Nemendur í Álfhólsskóla gáfu ónýtt hjól í dag. Meira

Geir í nýtt starf

11:43 Geir H. Haarde, fyrrverandi forsætisráðherra, hefur gengið til liðs við OPUS lögmenn sem ráðgjafi í alþjóðlegum verkefnum. Meira

Ölvaður og réttindalaus

11:37 Ölvaður ökumaður, karlmaður á fertugsaldri, velti bifreið á Reykjanesbraut í fyrrinótt. Hann missti stjórn á bílnum sem hafnaði utan vegar milli akreina. Einn farþegi var í bílnum og sluppu báðir ómeiddir. Meira

„Hvatning til okkar beggja“

Forsetahjónin Ólafur Ragnar Grímsson og Dorrit Moussaieff.

12:12 „Þetta er ánægjuleg staðfesting á því sem við Dorrit höfum fundið á fundum, vinnustöðum og á viðræðum við fólk undanfarið,“ segir Ólafur Ragnar Grímsson, forseti Íslands, um nýja skoðanakönnun Fréttablaðsins og Stöðvar 2 þar sem hann mældist með 53,9% fylgi. Meira

Mikið um reiðhjólaþjófnað

11:39 Þjófnuðum á reiðhjólum hefur fjölgað umtalsvert í umdæmi lögreglunnar á Suðurnesjum undanfarna daga. Meira

Tekinn á 134 km hraða

11:36 Ellefu ökumenn hafa verið staðnir að hraðakstursbrotum í umdæmi lögreglunnar á Suðurnesjum á undanförnum dögum. Sá sem hraðast ók var á 134 km hraða á Reykjanesbrautinni. Meira

Ástþór losnar ekki við fyrirvara

Ástþór Magnússon og eiginkona hans Natalía Wiium.

11:34 „Ég veit ekki hversu margar þær eru en hann er búinn að skila viðbót núna,“ segir Katrín Theodórsdóttir, annar oddviti yfirkjörstjórna Reykjavíkurkjördæma norður og suður, aðspurð hvort hún geti staðfest að Ástþór Magnússon hafi skilað tæplega 200 viðbótarundirskriftum í morgun. Meira

Með loftbyssu í farangrinum

11:26 Lögreglunni á Suðurnesjum var í fyrradag gert viðvart um að karlmaður væri með loftbyssu og skotfæri í fórum sínum í Flugstöð Leifs Eiríkssonar. Höfðu munirnir komið fram við skimun öryggisgæslu á farangri mannsins. Meira

Annað innbrotið á innan við viku

11:29 Lögreglunni á Suðurnesjum barst í morgun tilkynning þess efnis að brotist hefði verið inn í fyrirtæki hjá Grófinni í Keflavík og þaðan stolið skrifstofubúnaði. Er þetta annað innbrotið í fyrirtækið í vikunni. Meira

Kirkjugarðar geta varla starfað áfram

11:20 Kirkjugarðar geta ekki starfað áfram nema einingarverðið á hvern grafreit verði uppfært eins og það á að vera án allrar skerðingar,“ segir Þórsteinn Ragnarsson, formaður Kirkjugarðasambands Íslands (KGSÍ) og forstjóri Kirkjugarða Reykjavíkurprófastsdæma. Meira

Nýsköpunarsjóður getur ekki beitt sér

Nýsköpunarsjóði er ætlað að vera virkur fjárfestir í nýjum sprotafyrirtækjum.

11:19 Nýsköpunarsjóður er í þröngri stöðu og getur ekki beitt sér sem skyldi sem virkur fjárfestir í nýjum sprotafyrirtækjum. Þetta sagði Kristján Skarphéðinsson ráðuneytisstjóri í iðnaðarráðuneytinu á ársfundi sjóðsins. Meira

Aðeins sakfelldir fyrir sterana

11:05 Sævar Sverrisson og Geir Hlöðver Ericsson eru báðir sakfelldir í Straumsvíkurmálinu svonefnda fyrir innflutning á sterum. Dómurinn taldi hins vegar ekki sannað að Geir Hlöðver hafi staðið að innflutningi fíkniefnanna sem voru í sama gámi og sterarnir. Meira

„Gengur treglega að fá niðurstöðu“

10:51 „Varðandi skuldamálin erum við enn að skoða þessi lánsveð og það gengur treglega að fá niðurstöðu í þau mál,“ sagði Jóhanna Sigurðardóttir, forsætisráðherra, í fyrirspurnartíma á Alþingi í dag. Meira

„Ekki beitt mér á einn eða annan hátt“

Jóhanna Sigurðardóttir forsætisráðherra.

11:18 „Ég er að segja að hann sé að segja ósatt um það að ég gangi hér á eftir þingmönnum og segi þeim hvernig þeir eigi að greiða atkvæði. Auðvitað gera þeir það sjálfir eins og þeir vilja. Ég hef ekki beitt mér á einn eða annan hátt í þessu máli,“ sagði Jóhanna Sigurðardóttir á Alþingi í dag. Meira

Skoða leiðir um afnám hafta með ESB

10:51 Forsætisráðherra segir að stjórnvöld séu að skoða leiðir til að flýta afnámi gjaldeyrishaftanna í samstarfi við ESB. Jóhanna Sigurðardóttir ræddi málið við Stefan Füle, stækkunarstjóra ESB, í gær og segist hafa fengið jákvæð viðbrögð. Hún tekur fram að ekkert formlegt samkomulag hafi verið gert. Meira

Meira haldlagt af stinningarlyfjum

10:32 Gríðarleg aukning varð í magni stinningarlyfja sem Tollgæslan lagði hald á við eftirlit í fyrra miðað við árið 2010. Hins vegar liggja ekki fyrir tölur um þróunina það sem af er þessu ári. Meira